O Sistema de Instalación de Debian
==================================
Orientación
Este ficheiro README é para familiarizalo co contido do sistema de
instalación de Debian, e onde ir para obter máis información.
Se quere voltar a este directorio debería ir a
<debian>/dists/woody/main/disks-alpha/current/
onde a palabra `<debian>' pode indicar unha réplica da web de
Debian, unha área de FTP, ou un CD-ROM oficial de Debian. Pódense
atopar tódolos ficheiros necesarios para a instalación embaixo deste
directorio.
Hai información completa do sistema de instalación de Debian no
subdirectorio `doc/'. A documentación está dispoñible en varios
formatos e idiomas. Tamén ha querer consultar
<URL:http://www.debian.org/releases/woody/> para buscar erros,
alertas de seguridade, e información actualizada.
Para os máis impacientes, embaixo proporciónanse unhas instruccións
rápidas para a instalación. Nembargantes, anímase *encarecidamente*
ao lector que lea a documentación completa que hai no subdirectorio
`doc/', especialmente no caso de se atopar con dificultades.
Instruccións de Instalación Rápida
==================================
Aínda que o Sistema de Instalación de Debian tamén se chama
`boot-floppies' (disquetes-de-inicio), este nome é algo así coma
unha distorsión histórica. É posible, incluso preferible, instalar
Debian sen empregar ningún disquete. Por exemplo, pode instalar
Debian dende un CD-ROM con inicio oficial de Debian, dende a rede,
ou dende outro sistema operativo.
Instalación de CDROM
--------------------
O método de instalación recomendado é o CD-ROM oficial de
Debian. Pódense procurar onde se venden as boas distribucións de
GNU/Linux, ou en liña <URL:http://www.debian.org/distrib/vendors>.
Os que teñan unha tostadora de CDs e un carácter aventureiro poden
probar a crea-la súa propia imaxe de CD-ROM
<URL:http://cdimage.debian.org/>.
A instalación dende un CD-ROM adoita ser moi doada e só precisa que
escriba un só comando despois de arrincar e inseri-lo CD. Se o seu
ordenador ten SRM (é dicir, non hai un sistema de menús ao arrincar)
só ten que escribir `boot xxx -fl 0`, onde xxx é a unidade de CD-ROM
en notación SRM. Execute `show dev` para averigua-lo nome na
máquina. Para obter unha descrición completa busque no manual de
instalación.
Se a súa máquina ten ARC ou AlphaBIOS, mire embaixo na sección de
MILO para obter máis detalles.
Instalación dende Disquetes
---------------------------
Se non ten un CD-ROM ou ten un ordenador que non pode arrincar dende
un CD-ROM ha ter que emprega-las imaxes de disquetes que hai embaixo
deste directorio. As imaxes de disquetes teñen nomes
`*.bin'. Normalmente ha precisa-las imaxes `rescue.bin' e
`root.bin', e ás veces tamén as imaxes `driver-*.bin'.
Teña en conta que hai varios conxuntos de imaxes Rescue, root e
driver, dependendo da arquitectura que emprega. Ha ter que escoller
con que conxunto quere instalar. Mire embaixo para obter unha
descrición detallada dos subdirectorios que conteñen esas imaxes de
disquete.
Os ficheiros `driver-*.bin' conteñen controladores de hardware que
non hai no núcleo da imaxe `rescue.bin'. Non sempre é preciso
crea-los discos dende os que instalar eses controladores, por
exemplo, cando a instalación pode obte-los controladores dende
outros soportes distintos dos disquetes. Basicamente é unha cuestión
do soporte de hardware que contén o propio núcleo.
Se non crea os disquetes `driver-*.bin', ha precisar, máis tarde,
durante a instalación, ha precisar un ficheiro `rescue.bin' e outro
`drivers.tgz' que estean dispoñibles dende outro soporte distinto
dos disquetes. Háselle pedi-lo sistema operativo e os módulos, e non
lle pode dicir ao sistema que empregue disquetes, obviamente, porque
non creou os disquetes dos controladores. Indique ao instalador que
obteña eses datos no CD-ROM, disco duro local, ou de onde se
descargaron os ficheiros de instalación.
*Non pode* crear disquetes de ficheiros *.bin copiando simplemente
os ficheiros *.bin nos disquetes. Ten que facer unha copia de
sectores de baixo nivel dos datos nos disquetes. O método que ten
que empregar para crear disquetes dende os ficheiros *.bin varía
segundo o sistema operativo ao que teña acceso. Hai embaixo
descricións de como se crean os disquetes dende os ficheiros *.bin
en Unix e en DOS.
Recoméndase que empregue sempre disquetes novos do trinque porque os
xa usados poden conter erros e provocar fallos no inicio.
- Creación dos Disquetes dende Imaxes de Disco en Unix
Empregue o comando GNU `dd' para crear un disquete dende un ficheiro .bin:
dd of=/dev/fd0 if=<ficheiro> bs=1024
O dispositivo de disquete pode ser distinto de `/dev/fd0'.
Se é de natureza desconfiada, pódese asegurar de que se gravou a
imaxe con éxito:
cmp /dev/fd0 <ficheiro>
- Creación dos Disquetes dende Imaxes de Disco en DOS
Cambie ao directorio (`cd') que contén os ficheiros *.bin que
quere. Empregue a utilidade de DOS `rawrite2.exe' do subdirectorio
`dosutils' para crea-la imaxe, por exemplo:
..\dosutils\rawrite2 -f rescue.bin -d a
Onde `a' se refire á primeira unidade de disco do ordenador, e
`rescue.bin' representa o ficheiro *.bin dende o que quere crear un
disquete.
ifelse (alpha, mips, dnl
Instalación Dende A Rede
------------------------
Outra opción para MIPS é instalar dende a rede. Para facelo ten que
arrinca-lo ficheiro 'linux.bin'. As máis das máquinas MIPS han empregar
bootp para arrincar dende a rede.
)
Organización Dos Ficheiros de Instalación
=========================================
Abaixo descríbese a organización xeral dos ficheiros deste
directorio. Se copia un subconxunto destes ficheiros a un disco
local ou o que teña, debería conserva-la estructura de directorios
interna, xa que o sistema de instalación buscará os ficheiros nesas
localizacións.
doc/
O Manual de Instalación de Debian GNU/Linux, a Guía do
Principiante de `dselect', e as Notas da Versión pódense atopar
aquí en varios formatos lexibles e imprimibles por ordenador.
Por favor, Lea O Estupendo Manual (RTFM) antes de comezar.
<subarqu>/
Ficheiros de instalación dunha subdivisión da arquitectura
alpha; terá que buscar aquí para atopa-los discos de
inicio, raiz e controladores. Esta arquitectura ten as seguintes
<subarqu>s:
jensen, nautilus
En xeral, nos Alpha, debería emprega-las imaxes de rescate e
controladores xenéricas, que residen no directorio
images-1.44. Se arrinca dende un CD, úsanse por defecto.
Cando arrinca dende un disco na consola SRM (recomendamos que
empregue SRM para instalacións novas - vexa o manual de
instalación), sempre debería usalas (agás na subarquitectura
'jensen'). Para arrincar dende o disco de rescate dende a
consola SRM, teclee `boot dva0 -fl 0' no indicativo da consola
SRM.
Se arrinca dende un disquete empregando MILO, tamén precisará un
disco MILO que conteña imaxes de MILO e LINLOAD.EXE, como se
explica embaixo.
A plataforma Nautilus (placa base UP1000) emprega APB. Neses
sistemas, acenda o Alpha, introduza o disco de rescate de
Nautilus e introduza `apb.exe' coma Ficheiro de Inicio no menú
`OS Selection Setup' da AlphaBIOS, ou execute `apb.exe' dende o
menú `Utility/Run Maintenance Program'. Despois, no indicativo
de APB, escriba `boot debian_install'.
MILO/
Contén binarios e imaxes de discos de inicio MILO para algunhas
plataformas. Empréganse para arrincar en sistemas ARC e
AlphaBIOS.
Para arrincar nun deles dende un CD, busque a súa
subarquitectura na taboa da documentación, e introduza
`\milo\linload.exe' coma o cargador de inicio, e
`\milo\<subarqu>' (onde <subarqu> é o nome da subarquitectura)
coma a Ruta do SO no menú `OS Selection Setup'.
Para arrincar un deles dende o disco, cree o disco tal como se
explica enriba a partires do ficheiro milo_<subarqu>.bin . Acenda
o Alpha, insira o disco, e entre no menú `OS Selection Setup' en
ARC ou en AlphaBIOS. Estabreza o dispositivo de inicio á unidade
de disco, o Cargador do SO a `\linload.exe', e a Ruta do SO a
`milo'. Despois, no indicativo de MILO, insira o disco de rescate
e introduza o comando `boot fd0:'. Teña en conta que os Ruffians
fan as cousas dun xeito un pouco diferente; mire no manual de
instalación para obter máis detalles.
Os discos MILO tamén se poden arrincar dende a consola de SRM,
aínda que para a instalación se debería emprega-lo disco de
rescate directamente se ten unha consola SRM.
APB/
Contén o cargador de inicio APB e os ficheiros asociados para a
placa base UP1000. Empréganse cando se arrinca dende un CD na
UP1000. Para arrincar nesta plataforma, execute '\apb\apb.exe'
dende o menú `Utility/Run Maintenance Program' e escriba `boot
debian_install' no indicativo APB.
** Ficheiros Específicos de Interese
Empregando as descricións de embaixo, ten que selecciona-lo
directorio que contén o conxunto de ficheiros que interesan na
instalación que está a facer. Ha precisa-las seguintes imaxes
`.bin', se non se indica o contrario.
.../rescue.bin
Imaxe de disco de rescate, contén o núcleo e un cargador.
.../root.bin
Imaxe de disco raiz, contén o sistema de ficheiros raiz. Non é
necesario se non instala dende disquetes.
.../driver-#.bin
Imaxes de discos de controladores, que conteñen os módulos do
núcleo que pode cargar polo hardware para o que non hai un
controlador incorporado no núcleo. Por exemplo, pode usalo para
instalar un controlador para o adaptador de rede; cando teña
instalado o controlador, pode instala-lo resto do sistema pola
rede. Hai outros módulos, coma PPP, soporte de liña paralela,
etc. Non fai falla se non instala desde disquetes.
.../drivers.tgz
Un arquivo tar que contén os mesmos módulos que as imaxes de
disco de enriba. Empréganse cando se instalan o núcleo e os
controladores dende un disco local ou CD no canto de dende
discos. Empregue o ficheiro do subdirectorio máis apropiado
baseado na subarquitectura que está empregando.
.../linload.exe
Executable da consola ARC que fai falla para cargar MILO
.../apb.exe
Alpha Processor Bootloader, un executable da consola ARC que se
emprega para arrincar Linux na placa base UP1000 de Alpha
Processor, Inc.
.../up1000.pal
PALCode (Privileged Architecture Library code) para a placa base
UP1000.
tftpboot.img
Imaxe arrincable para TFTP. Esta imaxe contén o núcleo e
root.bin para arrincar dende un servidor TFTP empregando a
consola SRM. Vexa o manual de instalación para ter tódolos
detalles.
root.tar.gz
Un arquivo tar que se pode montar por NFS. É exactamente o mesmo
que root.bin, pero nun formato tar para extraer nun servidor de
rede para instala-los sistemas cun sistema de ficheiros raiz
NFS. Vexa a documentación para máis detalles.
md5sum.txt
Un ficheiro que contén sumas MD5 dos ficheiros de instalación.
Pódese empregar para comprobar que non se corromperon os
ficheiros descargados.